La Rait svizra d’istoricras è in’uniun per la promoziun da dunnas* en las scienzas istoricas. Dapi 2019 colliain nus istoricras* en Svizra, che lavuran en divers champs professiunals: emploiadas u independentas, en la scienza, il sectur d’archiv, il manaschi cultural, l’administraziun u en l’economia privata. Nus ans engaschain plinavant per la paritad da las schlattainas e l’egualitad da dunnas* en las scienzas istoricas sin tut ils nivels academics e professiunals.
Nus duvrain la furma “dunnas*”. En connex cun las finamiras da la rait adressain nus uschia cleramain dunnas e persunas nunbinaras u che èn genderqueer, che inscuntran dischavantatgs structurals pervia da lur schlattaina.
- Nossas activitads cumpiglian:
- Inscunters da rait en differentas citads e regiuns svizras
- Visitas guidadas ed autras activitads communablas per commembras*
- Tavulins virtuals cun referats, discussiuns ed aperos online suandants
- Blog davart la preschentaziun da resultats da perscrutaziun, contribuziuns d’opiniun u rapports d’experientschas
- Workshops per commembras*.
Qua vai directamain tar las differentas activitads da la rait: Occurrenzas proximas, gruppas da lavur e l’annunzia per la commembranza.
