En la rait d’istoricras èn activas differentas gruppas da lavur. Clicca sin ils titels per vesair dapli.
Vulessas ti ta participar en ina gruppa da lavur? Alura ans scriva in e-mail.
La GL Blog è la pli veglia da nossas gruppas da lavur: L’emprim blog è vegnì publitgà cun la lantschada da la nova pagina-web l’avrigl 2021. Dapi lura s’occupa la GL Blog da la tscherna ed elavuraziun redacziunala da nossas contribuziuns da blog. Vulessas er ti publitgar in blog? Alura t’annunzia tar nus!
Commembras da la gruppa da lavur: Antonia Bertschinger, Aurore Müller, Silvia Stamm, Zoé Kergomard
La GL Podcast exista dapi la stad 2021. Finamira è in agen podcast cun agens cuntegns relevants per la rait d’istoricras. Actualmain lavurain nus vi da l’emprima stafla. Vulessas ti far part? Alura t’annunzia!
Commembras da la gruppa da lavur: Tamara Widmer, Angela Wittwer, Claire Blaser, Nathalie Dahn-Singh, Lou-Salomé Heer
La GL Workshops è vegnida furmada l’atun 2021. Sco emprim ha ella organisà in workshop da blogging il schaner/favrer 2022. Has ti ideas per auters workshops en il rom da la rait? Nus prendain gugent si quellas.
Commembras da la gruppa da lavur: Zoé Kergomard, Antonia Bertschinger
La GL Communicaziun preschenta la rait svizra d’istoricras sin tut ils chanals: Instagram, Twitter, Facebook, Linkedin … Essas ti gugent per via en las medias socialas e vulessas era far posts per la rait d’istoricras? Alura t’annunzia!
Commembras da la gruppa da lavur: Anke Schindler, Leandra Sommaruga, Zora Heimlicher, Tamara Widmer, Angela Wittwer
Dapi l’entschatta da la rait d’istoricras sviluppa la GL Occurenzas ideas per occurrenzas e metta ellas en la pratica – per il solit en il format cumprovà dal tavulin online. Has ti ideas, tgi che nus pudessan envidar en il futur u en tge novs formats che nus pudessan preschentar noss cuntegns? Alura t’annunzia!
Commembras da la gruppa da lavur: Zoé Kergomard, Nadia Pettannice, Rahel Urech, Salome Walz, Angela Wittwer
La GL Unconference è nossa gruppa da lavur la pli giuvna. Sia finamira: ina unconference d’istoricras* l’onn 2024. Vulessas ti gidar cun l’organisaziun? Alura t’annunzia!
Commembras da la gruppa da lavur: Fabienne Amlinger, Claire Louise Blaser, Claire-Lise Debluë, Eliot Gisel, Zora Heimlicher, Zoé Kergomard, Eliane Kurmann, Lucia Leoni, Dominique Lysser, Valerie Muhmenthaler, Rahel Urech
Archiv
La GL Giubileum dal dretg da votar da las dunnas ha l’onn 2021 fatg ina gronda enquista davart la situaziun da dunnas en la perscrutaziun d’istorgia svizra. Ils resultats èn vegnids discutads en pliras occurrenzas e preschentads en furma condensada en trais blogs.
Commembras da la gruppa da lavur: Zoé Kergomard, Claire Blaser, Tamara Widmer, Anna de Quervain.
