Novas commembras* èn adina cordialmain bainvegnidas en la Rait Svizra d’istoricras. Persunas che na s’identifitgeschan betg sco istoricra* (en spezial umens), ma che vulessan tuttina sustegnair finanzialmain la Rait Svizra d’istoricras, han la pussaivladad da far quai sco sustegniders*/sustegnidras*.
Contribuziun annuala da commembra:
- Studentas*: CHF 30
- Commembra* regulara*: CHF 80
- Benefactura*/commembra collectiva: CHF 250
- Sustegnider*/sustegnidra*: CHF xx
En la rait d’istoricras pos ti contribuir en differentas manieras – sco, quai vesas ti, sche ti cliccas sin ils titels suandants. Dapli commembras* che participeschan activamain e meglier che la rait po ademplir ses scopo!
Sco commembra* d’uniun pos ti far part a nossas occurrenzas e discutar cun las autras commembras*. Ti pos er adina partir in basegn spezial, ina purschida u in’idea per in project cun las autras commembras* tras noss post d’administraziun.
Ti vulessas gugent visitar ina exposiziun cun commembras* en tia vischinanza u perfin organisar ina scuntrada da rait u in’autra occurrenza? Nus ans legrain fitg sin quai e ta sustegnain gugent! En il formular d’annunzia sutvart pos ti ans communitgar tes giavischs en quest reguard
Nus avain differentas gruppas da lavur interessantas, en las qualas nus lavurain per projects specifics. Gugent pos ti contribuir novas ideas, emprender insatge nov e schlargiar tia rait entaifer il project. Gia activas èn las GL Blog, GL Podcast, GL Scolaziuns, GL Tavulins, GL Unconference, GL Social Media e la GL Fundraising.
Dapli davart las gruppas da lavur vesas ti sin la pagina «Gruppas da lavur».
Ina moda simpla ma effizienta d’ans sustegnair è l’agid en la lavur da translaziun.
La rait d’istoricras vuless tant sco pussaivel sa drizzar a tut las istoricras* activas en Svizra. Perquai investin nus blera lavur en la plurilinguitad. Nossa pagina-web datti en tschintg linguas (tudestg, franzos, talian, rumantsch, englais) e nus empruvain sche pussaivel da tegnair nossa communicaziun entaifer la rait almain trilingua (t/f/e). Nus essan a la tschertga da commembras* plurilinguas per la creaziun d’in pitschen pool da translaturas* per sustegnair la suprastanza.
Per sondar il potenzial da nossa rait dependain nus spezialmain da forzas creativas en la suprastanza!
Has ti gust da collavurar davart la strategia da la rait svizra d’istoricras, da metter en la pratica ideas e da crear novs formats cun nus? La lavur en la suprastanza d’ina rait naziunala ta porscha pussaivladads unicas per schlargiar tia rait e rimnar experientscha – spezialmain, sche ti essas nova en Svizra u en il champ da las scienzas istoricas. Plinavant pos ti entrar en relaziuns cun istoricras* ordaifer tia «bubble» specifica.
Infurmaziuns davart las commembras* da la suprastanza actualas chattas ti sin la pagina «Suprastanza». Nus ans legrain sin tai!
Daventada mirvegliusa? Cun il formular suandant pos ti t’annunziar.
