Suprastanza - Rait svizra d'istoricras

Commembras da la suprastanza actualas:

Antonia Bertschinger

Antonia Bertschinger ha studegià filosofia, scienza litterara englesa, istorgia da la baselgia e pli tard war studies.
Oz sa fatschenta ella cun l’intermediaziun d’istorgia tras romans ed auters projects. Ella s’è spezialisada en l’istorgia dal Grischun en il 17avel tschientaner. Sia mira èsi qua da perscrutar e render visibla l’istorgia da las dunnas* durant quel temp.

Claire Louise Blaser, co-presidenta

Claire Louise Blaser doctorescha a l’ETH a Turitg cun in project pertutgant ils entretschaments (anti-)colonials tranter la Svizra e l’India en il 20avel tschientaner ch’èn reflectads en la vita da la feminista svizra Frieda Hauswirth. Avant ha ella studegià a Losanna ed a Londra, focussond cunzunt sin aspects da l’istorgia globala areguard religiun, politica e cultura en l’Asia dal Sid. Ella s’engascha tranter auter er en connex cun la Society for Wom*en in Social Sciences and Humanities (SWiSH) a l’ETH Turitg per dumondas e la vesaivladad da dunnas* en il ambient universitar.

Zora Melina Heimlicher

Zora Melina Heimlicher ha studegià istorgia e studis interreligius a l’universitad da Berna. Tematicamain è ella surtut s’interessada per l’elavuraziun da crims da guerra ed en sia lavur da master è ella sa fatschentada cun l’istorgia da rezepziun da l’istorgia coloniala belgia-congolesa. Da preschent fa ella in practicum en il stab directiv dal Museum Aargau ed è persvasa, ch’ina purschida da rait simpla e nunbirocratica vegn a meglierar las schanzas professiunalas e la vesaivladad dad istoricras* en tut ils champs dal mund professiunal.

Zoé Kergomard, co-presidenta

Zoé Kergomard ha studegià giurisprudenza e studis europeics a las universitads Paris-1 Panthéon-Sorbonne e Viadrina (Francfurt/Oder) e suenter promovì en istorgia contemporana a l’universitad da Friburg davart l’istorgia dal cumbat electoral. Suenter in postdoctorat a l’institut istoric tudestg a Paris è ella dapi l’onn 2021 primassistenta per istorgia contemporana a l’universitad da Turitg. Sias tematicas centralas en perscrutaziun ed instrucziun èn l’istorgia politica e l’istorgia da las schlattainas. Ella crai ch’istorgia duess vegnir scritta, instruida e fatga dapli da dunnas* e perquai charezza ella er da discutar e s’organisar cun autras istoricras*, per exempel sin il blog Hypotheses.

Valerie Muhmenthaler

Valerie Muhmenthaler ha studegià istorgia generala, filologia tudestga ed istorgia europeica en la perspectiva globala a l’universitad da Basilea. Qua è ses focus stà l’istorgia da dunnas e da las schlattainas dal temp medieval ed antic. Suenter ina secunda scolaziun sco artista da make-up lavura ella ussa sco directura dad ina partida chantunala. Sias finamiras principalas èn tranter auter l’analisa critica da structuras universitaras ierarchicas sco er il sustegn vicendaivel e la colliaziun tranter istoricras, independent da focus da perscrutaziun e da vias da carriera.

Tamara Widmer

Tamara Widmer ha studegià istorgia ed antropologia sociala a l’universitad da Berna. Ses focus principals èn l’istorgia culturala e sociala da la Gronda Britannia e da la Frantscha en il 19avel tschientaner, sco er l’istorgia dals Sámi, lur diever da ressursas e lur situaziun giuridica en la Norvegia, la Svezia e la Finlandia. Dapi l’onn 2013 fa ella part dal project Euro-Climhist (banca da datas istorica dal clima) a l’universitad da Berna ed è er activa sco scolasta da joga dapi l’onn 2020. Sia mira è da sustegnair e promover dunnas*.

Angela Wittwer

Angela Wittwer ha studegià istorgia e scienzas poiticas a l’universitad da Berna e lavura ussa per la Chanzlia federala sco collavoratura scientifica. Istorgia d’entretschamaint transnaziunal, spezialmain da la Svizra en il 19avel/20avel tschientaner, era ses focus principal. La reflecziun critica d’istorgia è per ella in element essenzial d’ina societad democratica. Ella sa giavischa dapli vesaivladad da dunnas* e lur projects en la societad.